Чаллыда Башкарма комитет бинасында бөтен дөнья корупциягә каршы көненә багышлап муниципаль хезмәткәрләре һәм Чаллы шәһәре җитәкчеләре белән очрашу үткәрелде.

 Аны коррупциягә каршы көрәш буенча Хаким җитәкчесе ярдәмчесе Рамил Фәйсханов һәм прокурор ярдәмчесе Ленара Гәлимәрдәнова уздырды. Ул катнашучыларга коррупциягә каршы федераль кануннарның чикләүләрен һәм таләпләрен  үтәргә кирәклеген белдерде.

Очрашу барышында катнашучылардан килеп  торган сорауларга  үз керемнәреңне дөрес итеп декларацияләү өлешендә  прокурор ярдәмчесе Ленара Гәлимәрдәнова җавап бирде.