13 балалы Сергей һәм Елена Тимониннар гаиләсенә суыткыч тапшырдылар. Замелекесьеда яшәүче Чаллы гаиләсе Раштуа алдыннан Дәүләт Думасы депутаты Татьяна Ларионовадан шундый бүләк кабул иттеләр.
Раштуа бүләген чаллылыларга мэр урынбасары Ирина Сәгыйдуллина, ТР Дәүләт Советы депутаты Марсель Мингалимов, Комсомол районы хакимияте башлыгы вазыйфаларын башкаручы Фидәрис Хәбибуллин, социаль яклау идарәсе начальнигы Ирина Скрябина алып килделәр.
Ирле-хатынлы Сергей һәм Елена бергә 27 ел. Бу вакыт эчендә гаиләдә сигез малай һәм биш кыз туа. Гаилә башлыгы күп еллар «КАМАЗ» заводында эшләгән, хәзер Замелекесьеда Торак-эксплуатация конторасында эшли.
Әниләре Елена йортта җылы мохит тудыра, камыр ризыклары белән балаларын сөендерә. Пешекчеләр, кондитерлар ролендә үсеп килүче малайлар һәм кызлар да үзләрен сынап карыйлар.
Гаиләдә барлык балалар да төрле яклап үсеш алган. Алар йөзү, көрәш белән шөгыльләнәләр, музыка мәктәбенә, вокал һәм бию түгәрәкләренә йөриләр. Әти кеше шулай ук гитарада уйный, әниләре балалары белән җырлый. Өлкән балалары мөстәкыйль тормыш алып баралар.
При использовании информации просьба ссылаться на Управление информационной политики и по связям с общественностью.
Пәнҗешәмбе, 6 гыйнвар 2022, 15:40