19 ноябрь көнне «Нур» яшьләр үзәгендә 15:00 сәгатьтә «Җырлаоке» музыкаль конкурсы узачак. Конкурсның максаты – татар музыкасы турындагы белемнәрне иҗади процесс аша тирәнәйтү.
Конкурста югары һәм һөнәри белем бирү оешмалары студентлары катнаша. Катнашу өчен 5 кешедән торган командалар чакырыла. Һәр команданың исеме һәм капитаны булырга тиеш. Гаризалар 16 ноябрьнең 16:00 сәгатенә кадәр mizgel19191@mail.ru электрон адресына кабул ителә.
Музыкаль конкурс өч этапта узачак:
I этап-19 ноябрь көнне 15:00 сәгатьтә;
II этап – 26 ноябрь көнне 15:00 сәгатьтә оештырыла;
III этап 10 декабрьдә 15:00 сәгатькә планлаштырылган (финал өлеше).
Беренче этапта түбәндәге биремнәр өстенлек итәчәк:
- «Караоке-батл»- Командаларга алдан әзерләнгән җырны башкарырга кирәк булачак;
- «Билгеле бер тематика җырын искә төшерик» - Командаларга билгеле бер тема бирелә һәм аларның һәркайсына мөмкин кадәр күбрәк җыр искә төшерергә туры киләчәк;
- «Көйне бел» - җырның бер өзеге яңгыраганнан соң, катнашучылар аның нинди җыр икәнен атарга тиеш.
Җиңүчеләр бәйгене оештыручылардан дипломнар һәм призлар алачак.
При использовании информации просьба ссылаться на Управление информационной политики и по связям с общественностью.
Пәнҗешәмбе, 15 ноябрь 2018, 10:38