6 октябрьдә 17:00 сәгатьтә «КАМАЗ» мәдәният сараенда Татарстан Республикасы Президенты Рөстәм Миңнеханов инициативасы белән ел саен уздырылып килүче «Наше время-Безнең заман» республика эшче яшьләр иҗаты телевизион фестиваленең зона этабы Гала-концерты узачак.
Фестивальнең зона этабында Актаныш, Алабуга, Әгерҗе, Менделеевск, Тукай, Минзәлә, Мөслим, Кукмара, Мамадыш районнары һәм Яр Чаллы шәһәренең эшләүче яшьләре катнаша. Гала-концерт программасында «Вокал», «Хореография», «Дан минуты» номинацияләрендә иң яхшы номерлар тәкъдим ителәчәк.
Гала-концертта зона этабына йомгак ясалачак, җиңүчеләр бүләкләнәчәк. Жюри рәисеннән һәм генераль продюсердан махсус чакыру алган аерым коллективлар яки башкаручылар фестивальнең финалында катнаша. Җиңүчеләрне кубоклар һәм акчалата бүләкләр көтә. Моннан тыш, I һәм II этаптагы барлык финалистлар (индивидуаль башкаручылар һәм коллективлар) дипломнар белән бүләкләнәчәк.
Фестиваль эшче һәм инженер һөнәрләрен популярлаштыру, талантлы яшьләрне барлау максатыннан үткәрелә.
При использовании информации просьба ссылаться на Управление информационной политики и по связям с общественностью.
Шимбә, 6 октябрь 2018, 14:26