Габдулла Кариев исемендәге Казан Татар дәүләт яшь тамашачы театрында чираттагы премьераларга әзерлек башланды. Артистлар берьюлы ике премьера куячак. Бу турыда Кариев театры матбугат хезмәте хәбәр итте.
Театр “Юлдаш юл билгеләре илендә” (Д.Панина, Б.Бәдриев, тәрҗ. Х.Уразова) пьесасын укуга керешкән. Спектакльнең режиссеры — Эльдар Гатауллин. Тамаша ЮХИДИ идарәсе белән берлектә әзерләнә.
З.Хөсниярның "Ут чәчәге" әсәре буенча куелачак спектакльгә дә әзерлекләр бара. Артистлар әсәрнең текстын уку процессында, диелгән әлеге хәбәрдә. Спектакльнең режиссеры – Татарстанның атказанган артисты Илфат Камалиев. Тамаша Наркотикларга каршы көрәш идарәсе белән берлектә тормышка ашырыла.
https://tatar-inform.tatar/При использовании информации просьба ссылаться на Управление информационной политики и по связям с общественностью.
Җомга, 6 июль 2018, 13:00
